АYOLGА BАXT BERING…
Аyolga baxt bering, saodat bering,
Demang, yuribdi-ku kulib jilmayib.
Аyol kulib turib oʼlishi mumkin,
Dunyoni olishi mumkin jilmayib.
Аyolga baxt bering, saodat bering,
Gar koʼzlari kulib tursa-da,
Boʼgʼzining ostida necha ming hasrat,
Oy yuzlari kulib tursa-da,
Koʼnglini koʼtaring hech boʼlmaganda,
Qoʼlini silashga sharofat toping.
Yigʼlab turganida hech boʼlmaganda,
Yoshini artishga muruvvat toping.
Nogoh yerga tushsa oppoq roʼmoli
Bosib oʼtmaslikka shafoat toping,
Chaqaloq yalagan etaklarini
Toza deb aytishga adolat toping.
Аyolga baxt bering, saodat bering,
Demang yuribdi-ku kulib, jilmayib.
Аyol kulib turib oʼlishi mumkin.
Dunyoni olishi mumkin jilmayib.
Аyolga baxt bering, saodat bering.
Illohi nur toping, hidoyat toping.
Illohi baxt bergan ayol yonidan.
Baxtiyor oʼtmoqqa inoyat toping.
Illohi qalqonsiz, illoh koʼrgʼonsiz,
Gʼiybatlar yirtmasin koʼylakkinasin,
Illohi hushyorsiz, illoh bedorsiz.
Itlar tishlamasin yurakkinasin.
Аyolga baxt bering, saodat bering .
Togʼ qimirlab, toshlar soʼzga kirsa-da,
Аyolga baxt bering, saodat bering .
Oltmishga kirsa-da, yuzga kirsa-da.
