“TURON” DAVLAT
HARBIY TЕATRI VA KINO AKTRISASI,
TOMOSHABINLAR SЕVADIGAN “LO‘LI MARYAM” OBRAZI SOHIBASI- ILMIRA RAHIMJONOVANI TAVALLUD KUNI BILAN CHIN DILDAN TABRIKLAYMIZ!
Odatda,hayotda har bir insonning o‘zi havas qiladigan,ergashadigan kishilari,boshqacha aytganda,timsollari bo‘ladi.Qaysidir sohada taniqli inson bo‘lishning yaxshi tomoni ham shu.Agar chin dildan mehnat qilsang,odamlar senga, sen sevgan tamoyillarga albatta ergashadilar, havas qiladilar.Ayniqsa,
san’at yo‘lini tutganlarga intiluvchilar ko‘p bo‘ladi.Chunki,san’at ahli ma’lum ma’noda insonlar qalbidagi bo‘shliqni ziyo,ma’rifat nuri bilan to‘ldiradilar. Fayziyob etadilar. Shu bois kimgadir muxlislik qilish ta’bingni charxlaydi, seni oz bo‘lsada, oldinga yurishga chorlaydi. Hayotingga joziba qo‘shadi.
Ilmira Rahimjonova el mehrini qozongan,o‘z muxlislari,o‘z yo‘li bor ijodkor. U yaratgan rollarda hayot nuri ufurib turadi,tandirdan chiqqan non kabi issiq hovur ko‘tarilib turadi.Bir so‘z bilan aytganda,Ilmiraning sahna va kinodagi yutuqlari xalqimiz ma’naviy olamiga o‘ziga xos fayz bag‘ishlab kelayapti.Bizningcha,
Ilmira diapazoni behudud aktrisa, hali uning ochilmagan qirralari ko‘p.Qolaversa,men Ilmiraning o‘ziga yarasha rejissyorlik salohiyati ham bor,deb hisoblayman.Agar imkoniyat yaratilsa, Ilmira nafaqat aktrisalikda, rejissurada ham katta muvaffaqiyat qozona oladi.
Xullas,Ilmira Rahimjonovani tavallud ayyomi bilan chin dildan tabriklayman!
Uzoq umr,sihat-salomatlik,
eng asosiysi,bag‘ri butunlik tilayman!
Hali xudo xohlasa, sevimli aktrisamiz ijrosidagi o‘nlab rollar uchun chapak chalib olqishlaymiz,
u rejissyorlik qilgan ajoyib filmlarni tomosha qilib olqishlaymiz.
Doim sog‘-omon bo‘ling!
Gulandom Tog‘ayeva