Аnton Chexov
Rus klassik adabiyotining yetuk namoyandalaridan biri Аnton Chexov ikki marta sinfdan-sinfga oʼtolmagan. Uchinchi sinfda matematika va geografiya fanlarini oʼzlashtira olmagani, beshinchi sinfda esa, grek tili imtihonini topshirolmagani sababli “yiqilgan”. Qizigʼi, buyuk yozuvchi umrida “toʼrt”dan yuqori baho ololmagan. Biroq, u tibbiyot institutiga kirgach, hikoyalar ijod qila boshladi va oʼzining betakror isteʼdodini yuzaga chiqara oldi.
Uinston Cherchill
Sinfning eng qoloq oʼquvchilaridan boʼlgan. Uning uquvsizligini koʼrgan muallimlari “baribir oʼrgana olmaydi, ” deya qadimgi yunon va lotin tili darslariga kiritishmagan. Cherchilning adabiyot boʼyicha Nobelь mukofotini olganini eshitgan ustozlarining “tomi” ketayozgandi.
Аlьbert Eynshteyn
Nobelь mukofotining sohibi boʼlgan ushbu olim ham maktabda ikkita soʼzni bir-biriga qoʼsholmasdi. Nisbiylik nazariyasini yaratib, dunyo ilm-fanida inqilob yasagan bu mashhur olimni oʼquvchilik paytida ustozlari sal boʼlmasa, aqli zaif bolalar uchun moʼljallangan maxsus maktabga yubormoqchi boʼlishgan.
Lev Tolstoy
Uning oliy maʼlumoti boʼlmagan. Toʼqqiz yoshida ota-onasidan ajragan yosh grafni vasiylari oʼz qaramogʼiga olgan va uning oʼqishiga uncha eʼtibor qaratishmagan. Universitetning ikkinchi kursida oʼqiyotganida nemis tili va tarix fanlarini yaxshi oʼzlashtira olmagan va keyingi kursga oʼtkazilmagan. Shundan keyin u oʼqishni batamom tashlab ketgan.Bill GeytsMaktabdagi eng isteʼdodsiz oʼquvchilardan biri edi. Ota-onasi uni ragʼbatlantirish uchun har bir besh bahoga mukofot vaʼda qilishgan. Biroq, baribir bu chora naf bermagan.
Isaak Nьyuton
Xoh ishoning, xoh ishonmang… u fizika va matematikadan juda yomon oʼqigan. Boshqa fanlarga ham tishi uncha oʼtmasdi. Umuman u sinfdagi eng sustkash oʼquvchilardan edi.
Tomas Edison
Boʼlajak ixtirochi va millioner Tomas Edison maktabdagi bezoriligi va ikkichiligi uchun oʼqituvchilari unga taʼlim berishdan bosh tortgan. Keyin uni uyda onasi oʼqitgan.Konstantin SioleovskiyU bolaligida qizilcha kasalligi bilan ogʼrigan va shu bois eshitish qobiliyati pasaygan. Maktabda ham shu kasalligi sababli darslarni oʼzlashtira olmagan. Ikkinchi sinfda qolib ketgan. Uchinchi sinfdan keyin uni maktabdan haydab yuborishgan. Biroq, shunga qaramasdan u ulgʼaygach, oʼqituvchi boʼlish uchun imtihon topshirib, undan aʼlo oʼtgan. Keyinchalik uni butun dunyo tanidi.
Аleksandr Pushkin
Ijtimoiy fanlardan yaxshi oʼqigan, juda koʼp kitob mutolaa qilgan boʼlsa-da, matematikani umuman yaxshi bilmagan. Bu fandan faqat ikki olgan. Biroq, bu uning buyuk shoir boʼlib yetishishiga xalal bermagan.
Mutaxassis fikri:
Nega shunday?
-Maktabda olgan baholar oʼquvchining qanchalik savodxonligi, axborotni tez oʼzlashtirishi, uni qabul qilishi, qayta ishlashi va xotirada saqlab qolishini koʼrsatadi, xolos. Shuningdek bu baholarda oʼquvchining baʼzi xususiyatlari, irodasi, qaysarligi, tizimli mehnatga qobiliyati aks etadi. Biroq, yuqori aql-idrok hammadan ham koʼra, koʼra, tahlil qila olish, mantiqiy fikr yuritish, axborot olishning yangi yoʼllarini kashf etish va ular bilan ishlash imkonini beradi. Yaʼni, yuqori idrok faqatgina axborotning miqdori bilangina emas, uni qanday tahlil qila olish va kayta ishlashga xam bogʼliq. Shu bois, maktabda olingan baholar bolaning aqliy qobiliyatini toʼla koʼrsata olmaydi. Аmmo, unutmang, bu aynan aʼlochilar emas, balki “ikkichi”lar daho boʼla olishadi, degani emas.
Manba: darakchi gazetasi.
