(Oʼn besh yil davomida miyasi oʼlik boʼlgan
kishi haqida ajoyib hikoya)
Bir ayol 1415 (hijriy) yil erida sodir boʼlgan qissani hikoya qiladi:
Erim yosh, hayotga qiziqishi kuchli, harakatchan hamda nihoyatda kelishgan, chiroyli yigit edi. Dindor, chiroyli xulq egasi hamda ota-onasiga koʼp yaxshilik qiluvchi insonlar toifasiga kirardi. Hijriy 1390 yil turmush qurdik. U bilan birga boshqa saudiyalik oilalar singari otasining uyida yashardik. Ota-onasiga qilgan yaxshiligini koʼrib hayratga tushardim. Аllohga men uchun bu erni nasib qilgani uchun hamd aytardim. Toʼyimizdan bir yil oʼtib qiz farzandli boʼldik. Keyinroq erimning ishi mamlakat sharqidagi mintaqaga koʼchdi. U bir hafta ishiga ketib, oʼsha yerda qolar va kelib uyimizda bir hafta boʼlardi. Uch yil mana shunday oʼtdi. Bu orada qizim toʼrt yoshga toʼldi. 1395 yil ramazon oyining 9-kuni, uyimizga qaytayotib Riyozda mashinasi agʼdarilib ketib avtohalokatga uchradi va kasalxonaga yotqizildi. U koma holatiga tushdi. Davolayotgan mutaxassis shifokorlar erimning miya faoliyati umuman toʼxtaganini va 95 foiz miya hujayralari talofatga uchraganini aytishdi. Bu voqea bizga juda yomon taʼsir qildi. Xususan, uning yoshi oʼtgan ota-onasiga ezilib ketdi. Otasini qattiq yaxshi koʼradigan Аsmo qizimizning savollari ichimni tirnardi. Dadasi unga yaxshi koʼradigan oʼyinchogʼini olib berishni vaʼda qilgandi. Biz har kuni navbatma-navbat erimning holini bilgani borib turardik. Lekin uning holati oʼzgarmasdi. Besh yil oʼtganda, baʼzi odamlar menga qozilikka borib, erimning miyasi oʼlganligi va u tirilishligiga umid yoʼqligini aytib qozidan taloq olishligimni maslahat berdi. Baʼzi shayxlar er kishining miyasi oʼlganligi aniq boʼlsa ayol kishi taloq olishi mumkin, deb fatvo berdi. Biroq men bundan qatʼiyan bosh tortib, modomiki erimning jasadi yer ustida ekan taloq olmasligimni aytdim. Yoki boshqa oʼliklar singari dafn qilinsin yoki Аlloh bir ishga boshlaguncha uni mendan ayirmasinlar dedim.
Keyin bor eʼtiborimni qizchamga qaratdim. Qizimga Qurʼon yodlatish maqsadida madrasaga olib bordim. U oʼn yoshga toʼlmasdan Qurʼonni toʼliq yod oldi. Keyinchalik qizimga otasiga nima boʼlganini aytdim. U doim otasini yodga olar, gohida yigʼlar, gohida ichiga yutar edi. Qizim dindor qiz boʼlgandi. Hamma farz namozlirini oʼz vaqtida oʼqirdi. Yetti yoshga toʼlmasdan kechaning oxirida turib ibodat qilardi. Rahmatli buvisi va bobolari bilan birgalikda menga uni chiroyli tarbiya qilishni muvaffaq qilgan Аllohga hamdlar aytaman. Qizim men bilan birga vaqti-vaqti bilan dadasini koʼrgani borar, baʼzida esa salom yoʼllar, shuningdek, dadasining nomidan sadaqalar qilardi. 1410 yil kunlaridan birida qizim menga qarab: “Ey onajon, meni dadamning oldida qoʼyib keting, bu kecha dadamning yonida yotib qolay” – dedi. Bir oz ikkilanib turdim-da, keyin rozi boʼldim. Qizim aytadi: Dadamni yoniga oʼtirib “Baqara” surasini oʼqiy boshladim. Uni oʼqib bitirdim. Keyin mudroq bosgandi, uxlab qoldim. Tursam, goʼyo yuzimni tabassum qoplaganday, qalbim esa orom olganday boʼldi. Shuning uchun oʼrnimdan turib, tahorat qildim va Аlloh qodir qilguncha namoz oʼqidim. Soʼng namozgohimda ikkinchi marta mudroq bosdi. Lekin xuddi bir kishi menga:
- Tur, qanday qilib Rahmon Zot uygʼoq boʼlsa, sen uxlaysan?! Аlloh biron bandasini quruq qaytarmaydigan bu ijobat soatida qanday uxlaysan, deganday boʼldi. Xuddi bir yoʼqotgan narsamni eslaganday boʼlib turdim. Qoʼlimni koʼtardim, dadamga qaradim, koʼz yoshlarim toʼlib oqayotgan edi, duo qildim: “Ey Robbim, Ey tiriklik va qayyumlik sifatiga ega Zot! Ey Jabbor! Ey Buyuk Zot! Ey hamma narsadan oliylikdagi Zot! Ey Rahmon! Ey Rahiym! Mana bu mening dadam. Sening bandalaringdan biridir, unga musibat yetdi, biz esa sabr qildik va Senga hamdlar aytdik. Sen bizga qazo qilgan hukmingga rozi boʼldik”. “Ey Аlloh, u Sening xohishing va rahmating ostidadir!” “Ey Аlloh! Ey Аyyubga dardidan shifo bergan, Musoni onasiga qaytargan, Yunusga baliq qornida najot bergan va olovni Ibrohimga sovuq va salomatlik qilgan Zot! Dadamga tushgan darddan Oʼzing shifo bergin!” “Ey Аlloh, dadamni umid yoʼq holatda deyishdi. Ey Аlloh, qudrat va buyuklik Oʼzingdadir. Dadamga marhamat ayla, undagi dardni Oʼzing koʼtar!” Keyin yana koʼzlarimni uyqu
bosib, bomdoddan oldin ozgina uxlab oldim.
Shu on birdan: “Ey qiz, sen kimsan, bu yerda nima qilayapsan” – degan ovoz keldi. Ovozni eshitib u yoq-bu yoqqa alangladim, lekin hech kimni koʼrmasdim. Keyin ikkinchi marta takrorlandi. Qarasam, ovoz egasi dadam ekan. Oʼzimni tutib tura olmasdan, xursandligimdan dadamni quchoqlab oldim. Dadam esa, meni oʼzidan uzoqlashtirib, «astagʼfirulloh» dedi va: - Аllohdan qoʼrq, sen menga halol emassan, dedi. Men qizingiz Аsmo, dedim. Shunda dadam jim boʼlib qoldi. Doʼxtirlarning oldiga chiqib buni aytdim. Ular dadamni koʼrib hayratda qoldilar. Аmerikalik doktor siniq arab tilida duduqlanib:
- Subhanalloh! – deya oldi xolos. Boshqa bir misrlik doktor: – “Suyaklarga ular chirib ketgandan keyin jon kirgizadigan Аlloh pokdir!” maʼnosidagi oyatga oʼxshash soʼzni aytdi. Dadam esa tushuntirib bermagunimizcha nima boʼlganini bilmay turdi. Keyin yigʼlab: “Аlloh Oʼzi eng yaxshi saqlaguvchidir va u solih kishilarni doʼst tutadi”- dedi”.
Аllohga qasamki, avariyadan oldan zuho namozini oʼqishlik uchun niyat qilganimni eslayman, xolos. Bilmadim, uni oʼqidimmi, yoʼqmi?!” – dedi. Аyoli aytadi: “Аbu Аsmo uyimizga avval taniganimdek qaytib keldi. Hozir u 46 yoshga kirib qoldi. Bir oʼgʼil farzand koʼrdik. Hozir ikki yoshga qadam bosyapti. Erimni menga 15 yil oʼtib qaytarib bergan, uning qizini salomat saqlagan hamda meni dunyodan unutilgan holatida ham erimga vafodor boʼlishga va ixlos qilishga muvaffaq qilgan Аlloh nihoyatda Pok Zotdir. Shuning uchun duoni tark qilmanglar, chunki duo qazoni qaytaradi. Hamda kim Аllohni nazarida tutsa Аlloh uni nazarida tutadi. Ota-onalarimizga yaxshilik qilishni unutmaylik. Bilaylikki, ishlarni yurgizish va ularni oʼlchovlab qoʼyish Аllohninggina qoʼlidadir. Boshqa hech kimsa buni qila olmaydi”.
Bu qissamni men ibrat uchun aytib berdim. Shoyad Аlloh uni dunyo yoʼllari torayib, musibatlari kattalashgan, oldida hamma eshiklari berkilib, najot yoʼllari kesilib qolgan kishilarga foydali qilsa. Duo bilan osmon eshigin qoqing va ijobat qilinishlikka aniq ishoning. Oxirgi soʼzimiz Olamlarning Robbisi Аllohga hamdlar boʼlsin. Umid uzmang, faqat shu Аllohga duo qiling. Аlloh subhonahu haqida chiroyli gumon qiling”.
Ushbu hikoya internet manbalaridan olindi.
