Author: Гуландом Тоғаева

Oshiqlik-yoningdan ketolmay qolish,
Har tongda ismingni aytib uyg‘onish,
Ishq-bu firoq bilan bahru bayt ekan,
Visol-tushlaringni suvga ayt ekan.

Bayramlar ko‘chamda o‘tmay ham qo‘ygan,
Endi dil sendan so‘z kutmay ham qo‘ygan,
Ertakda ekan-ku yoriltoshlari,
Hozir tosh hech kimni yutmay ham qo‘ygan.

Kahkashonning kuloli
Loy ezmoqqa joʼnabdi.
Kokili ming tilloli
Qizgʼaldoqlar qonabdi.